Tu âs cirût la peraule
monolengâl
torne indaûr

monolengâl

parâ indaûr loc.v.
Fâ lâ indaûr, soredut cun determinazion o ancje cun fuarce
sinonims
butâ indaûr, mandâ indaûr
esemplis
"[Luduì di Teck] al comparì in Friûl cun cualchi miâr di mercenaris ongjarês, cjapant Manzan, Rosacis, Scluse e rivant fin sot Udin. Ma i mercenaris di Tadiu di Este e dal cont di Carmagnole lu pararin indaûr"
gjavât fûr di "Cuintristorie dal Friûl fin sot la Italie" di Josef Marchet
parâ indaûr loc.v.
In riferiment a une sensazion, a une maniere di fâ, a une volontât e v.i., no lassâ che e vedi efiet
esemplis
"il vecjo, scuasit che si ingropave, ma al voleve parâ indaûr chel stupit moto dal cûr"
gjavât fûr di "La tiere di Lansing" di Maria Forte
parâ indaûr loc.v.
Refudâ, no acetâ, no cjapâ par bon
sinonims
butâ indaûr, refudâ, mandâ indaûr
esemplis
"al spessee a parâ indaûr la propueste"
gjavât fûr di "Madalene" di Franco Marchetta
parâ indaûr loc.v.
No da bon acet a cdn., fâlu sintî malvolût
esemplis
"nissun veve voi che a stazavin a svelt e a paravin indaûr, come la agne Baldasse"
gjavât fûr di "Cjase di Dalban" di Maria Forte
torne sù